|
گئجه ياريسيدير؛ فوتبول دالغاسي(موج فوتبال) وئرليشينده، فوتبول فئدراسيونون هيأت رئيسه سئچيمي، و اورا “اوستان” نومايندهلرينين يول تاپماسينين گركلي اولدوغوندان دانيشيرلار. آما بئله دانيشيرديلار، سانكي بورالاردا آزربايجان كي هئچ، كانادا دان توت آلاسكايا يئرلشيب! “آزربايجان” يئرينه او قدر “شوماليغرب” دئديلر، منه ائله گلدي كي بوندان سونرا تيراختورو آلقيشلاياندا، “ياشاسين آزربايجان” يئرينه، “ياشاسين شوماليغرب” دئيهك!!
تيلويزيونون انگين باسيب، اوزانيرام ياتام. بئله باشيميزي قاتميشيق تيراختورون سونوجلاري، و حتي بير ايكي دنه اويونچونون آلتدان گئيديكلري گؤي گؤينكلره(!)، آز قالير تيراختورون بير كولوب دان اوستون اولماق نهدهنيني اونوداق!
يارين قيش سونونون ايكينجي گونو، فئوريهنين 21جي گونو، دونياليق آناديلي گونو، و بو مملكتده آناديلي عمد ايله اونودولان گوندور! يونئسكونون گئنل آپاريجيسي ايرينا بوكووا، 2012 جي ايلينين آناديلي گونونه وئرديگي ساوينين باشيندا، نئلسون ماندئلانين بو گؤزل سؤزونو يازميشدير:
 Nelson Mandela once said that “If you talk to a man in a language he understands, that goes to his head. If you talk to him in his language, that goes to his heart”. (un.org)
توركجهسي اولار: “بير اينسان ايله، بيلديگي ديلينده دانيشسان، سؤز اونون باشينا گئدر. اونون اؤز ديلينده دانيشسان، اونون اورگينه گئچر“. آزربايجانليلارين نهدن تيراختوردان سونرا باشقا تاخيملاري سئومهديكلري، و تيراختورو سينيرسيز سئومكلرينين رمزي بودور. بيلمهيهنلري بيلسينلر.
اؤز وارليقلاري و كيمليكلريني قوروماغا بيرينجي اؤنم وئرنلره، بو گونو قوتلو اولسون دئييرم.
ياشاسين تيراختور، ياشاسين آزربايجان
آیدین کسائی
http://tiraxturum.blog.com
|
Comments
Yaşasın Azərbaycan Türk Milləti.
Yaşasın onun Tirakturu!
Eşq olsun Aydınlarımıza
Qarağaclı
ساغولون آیدین بئی
RSS feed for comments to this post